اسلام آباد (این این آئی)وفاقی دارالحکومت اسلام آباد میں نوکری کا جھانسہ دے کر خاتون کے ساتھ مبینہ زیادتی کا مقدمہ درج کرلیا گیا۔وفاقی دارالحکومت اسلام آباد کے تھانے لوہی بھیر میں متاثرہ خاتون کی مدعیت میں مقدمہ درج کیا گیا، ایف آئی آر کے متن کے مطابق راولپنڈی کے گرلز ہاسٹل میں رہتی ہوں، نوکری کے بہانے بلا کر تشدد اور زیادتی کی گئی۔مقدمے کے متن کے مطابق متاثرہ خاتون نے کہا کہ ملزم نے زیادتی اور تشدد کے دوران میری نازیبا تصاویر بھی بنائیں۔

ایف آئی آر کے متن میں درج ہے کہ ملزم نے زیادتی کے بعد دھمکی دی کہ مقدمہ کیا تو قابل اعتراض تصاویر اور ویڈیوز لیک کردوں گا۔مقدمے کے متن کے مطابق ملزم نے مجھ سے کہا کہ اسلام آباد پولیس کے تمام ڈی آئی جیز اور ڈی ایس پیز میرے تابع ہیں۔متاثرہ خاتون نے درج ایف آئی آر میں بتایا کہ ملزم نے کہا کہ پولیس کو پیسے دے کر پہلے بھی بہت بار کیسز رفع دفع کرائے ہیں۔