کراچی (این این آئی)وفاقی وزیر صحت عبدالقادر پٹیل نے کہا ہے کہ عمران خان کی میڈیکل رپورٹ میں شراب اور کوکین کے اجزاء پائے جانے کا انکشاف ہوا ہے۔نیوز کانفرنس میں عبدالقادر پٹیل نے کہا کہ جمہوری حکومت میں ہر دستاویز پبلک دستاویز ہوتی ہے، گرفتاری کے بعد عمران خان کو پمز اسپتال لے جایا گیا تھا۔
انہوں نے کہا کہ عمران خان کیلئے پمزہسپتال میں میڈیکل بورڈ بھی بنایا گیا تھا،اس موقع پر چیئرمین پی ٹی آئی کا یورین سیمپل بھی لیا گیا تھا۔انہوں نے کہا کہ جب تک پورا تناسب نہیں آجاتا میں رپورٹ جاری نہیں کروں گا لیکن ابتدائی رپورٹ میں نشے کی چیزیں جن میں شراب اور کوکین کا بے دریغ استعمال ہوا ہے لیکن جب تک تناسب نہیں آتا ہم کسی حتمی نتیجے پر نہیں پہنچیں گے۔انہوں نے کہاکہ یہ موصوف پانچ چھ ماہ پلستر چڑھا کر گھومے مگر میڈیکل رپورٹ میں فریکچر رپورٹ نہیں ہوا۔
