اسلام آباد (مانیٹرنگ ڈیسک/این این آئی )تحریک انصاف سے پارٹی رہنمائوں کی وکٹیں گرنے کا سلسلہ جاری ہے ، ایک اور اہم ترین رہنما نے پارٹی کو خیر آباد کہہ دیا ۔ تفصیلات کے مطابق ڈیرہ اسماعیل خان میں پی ٹی آئی کے اہم رہنما ملک قیوم حسام نے بھی عمران خان کا ساتھ چھوڑنے کا اعلان کر دیا۔
تفصیلات کے مطابق پی کے سٹی ون سے پی ٹی آئی کے متوقع امیدوار ملک قیوم حسام نے ڈیرہ اسماعیل خان میں پریس کانفرنس کرکے پارٹی سے لاتعلقی کا اعلان کیا ہے ۔ دوسری جانب پی ٹی آئی رہنما فرخ حبیب کا کہنا ہے کہ میرا پارٹی چھوڑںے کا کوئی ارادہ نہیں ہے۔فرخ حبیب نے گفتگو کرتے ہوئے کہنا ہے کہ عمران خان اہم ہیں جو اپنے بیانیے کے ساتھ کھڑے ہیں، لوگوں نے عمران خان کو منتخب کیا ووٹ دیا لوگ ان کے ساتھ کھڑے ہیں۔انہوں نے کہا کہ ایک سال سب نے دباؤ برداشت کیا لیکن اب چیزیں دباؤ سے باہر نکل گئیں، جب فیملی اور ذاتی کاروبار پر حملے شروع ہوجائیں تو دباؤ برداشت کرنا مشکل ہوتا ہے۔فرخ حبیب نے کہا کہ میری ہمدردیاں 70 سالہ شیریں مزاری کے ساتھ ہیں، 5 مرتبہ شیریں مزای کو گرفتار کیا گیا۔انہوں نے کہا کہ شیریں مزاری ہیومن رائٹس کی چیمپئن ہیں انہیں توڑنے کی کوشش کی گئی کسی کے گھر کی دیوار گرادی گئی، کسی کا کاروبار ختم کردیا تو کسی کا پمپ توڑا گیا۔فرخ حبیب نے کہا کہ لوگوں کے خلاف غیرقانونی کارروائیاں کی جارہی ہیں، خرم دستگیر کا پیٹرول پمپ گرایا گیا اگر غیرقانونی تھا تو کلیم کرتے۔ان کا کہنا تھا کہ آج ہمارے لوگوں کے قانونی کاروبار کو غیرقانونی طریقے سے ختم کیا جارہا ہے۔
