اسلام آباد (اے پی پی)محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں موسم گرم اور خشک رہے گا تاہم بلوچستان، بالائی سندھ، جنوبی پنجاب، خیبر پختونخوا کے مغربی اضلاع اور کشمیر میں بعض مقامات پر آندھی/ تیز ہواؤں اور گرج چمک کے ساتھ بارش کا امکا ن ہے۔رپورٹ کے مطابق گذشتہ 24 گھنٹوں کے دوران ملک کے بیشتر علاقوں میں موسم خشک اور گرم جبکہ جنوبی پنجاب، سندھ اور جنوبی بلوچستان میں شدید گرم رہا ہے۔ اس دوران مری میں 6، ٹندو جام، پنجگور4، مالم جبہ 3، راولاکوٹ 2 اور مٹھی میں ایک ملی میٹر بارش ریکارڈ کی گئی ہے۔