اسلام آباد (این این آئی)پرائیویٹ اسکول ایسوسی ایشن نے ملک بھر میں 12 اپریل سے تعلیمی ادارے کھولنے کا اعلان کر دیا۔ ڈی چوک اسلام آباد پر پرائیویٹ اسکول ایسوسی ایشن کی جانب سے احتجاج کیا گیا، احتجاج کے دوران پرائیویٹ اسکول اینڈ کالجز ایسوسی ایشن نے

ملک بھر میں تعلیمی ادارے کھولنے کا مطالبہ کیا اور کہا کہ ہمارے جن اساتذہ کو گرفتار کیاہے انہیں فی الفور رہا کیا جائے۔ انہوںنے کہاکہ اسلام آباد انتظامیہ کا اساتزہ کے رویہ انتہائی افسوناک رہا۔مقررین نے کہا کہ م ہمارا احتجاج علامتی تھا ہم نے تعلیمی اداروں کی بندش پر احتجاج ریکارڈ کروا دیا ہے۔انہوںنے کہاکہ این سی او سی کا فیصلہ شدید دباؤ میں ہوا ہے، لہذا پرائیویٹ اسکول ایسوسی ایشن ملک بھر میں 12 اپریل سے تعلیمی ادارے کھولنے کا اعلان کرہے، 12 اپریل سے 50 فیصد طلبہ کے ساتھ تمام اسکولوں کو کھولیں گے،این سی او سی کا اجلاس کا فیصلہ اپنا اور پرائیوٹ سیکٹر کا فیصلہ اپنا ہے،قبل ازیں سکولز اور تعلیمی اداروں کی بندش کے خلاف طلبہ اور اساتذہ کی کثیر تعداد اسلام آباد ڈی چوک پہنچی۔