نارووال (این این آئی) مسلم لیگ (ن) کے مرکزی جنرل سیکرٹری احسن اقبال نے کہا ہے کہ اسٹیٹ بینک کے متعلق بل پاکستان کی خود مختاری کا سودا ہے جس کی ہم اجازت نہیں دیں گے ،حکومت نے پاکستان کی معیشت کی بنیادیں ہلا دیں ہیں اورمعیشت قرضوں کے بوجھ تلے دب چکی ہیں ۔ ان خیالات کا اظہار انہوں نے نارووال میڈیا
سے بات کرتے ہوئے کیا۔احسن اقبال نے کہا کہ عمران نیازی کی تین سال کی کارکردگی یہ بتا رہی ہے کے آپ نے جہاد عوام کی ترقی ،خوشحالی ،سی پیک ،قوم کی خود مختاری اور یکجہتی کے خلاف کیا ہے اور آپکی وجہ سے بائیس کڑور عوام پھس رہی ہے اور جتنا قرضہ آپ لے چکے ہیں اسے کون ادا کرے گا آپ نے ڈھائی سالوں میں مسلم لیگ (ن) کے پانچ سالہ قرضے سے زیادہ بوجھ تلے دبا دیا ہے جبکہ مسلم لیگ کا لیا ہوا قرضہ پیداواری قرضہ تھا جس سے موٹر ویز ،بجلی کے منصوبے اور سی پیک کو چلایا گیا لیکن تحریک انصاف کے تمام لیے ہوئے قرضے غیر پیداواری ہیں ۔احسن اقبال کا کہنا تھا کے کیوں کے یہ ملک آپ کی جاگیر نہیں ہے بائیس کڑور عوام کا ملک ہے کسی کو اس کے مستبل سے کھلوارڑکرنے کی اجازت نہیں دیں گے دوسری طرف آپ کہتے ہیں کے پچھلے سب چور تھے میں کیا کروں ساری دولت وہ باہر لے گئے ہیںیہ کون سی دیانت داری ،ایمانداری ہے جس کی سزا بائیس کڑور عوام بھگت رہی ہے اصل دیانت دار تو پچھلے تھے وہ عوام کی خدمت کرتے تھے ۔احسن اقبال نے مزید کہا کہ وزیر خزانہ کبھی پیپلز پارٹیسے اور کبھی مشرف کی ٹیم سے نکال کے لے آتے ہیں پی ٹی آئی کی ٹیم کدھر ہے جس پر آپ نے قوم کو گمراہ کیا تھا آپ صرف الزام تراشیاں کر سکتے ہیں حکومت چلانا آپ کے بس
کی بات نہیں ہے ۔ احسن اقبال نے کہا کے اس حکومت نے عوام کو بچانے کے لیے کوئی اقدامات نہیں کیے جبکہ حکومت کو چاہیے تھا کے چار سے پانچ کڑور ویکسین خریدتی یہ کشکول لے کر بھیک مانگتے رہے جس کے نتیجہ میں چین کی طرف سے جو گفٹ میں ویکسین ملی اس کے علاوہ پاکستان نے کوئی کرونا کی ویکسین حاصل نہیں کی ،
پاکستان کی عوام آپ کا اصل چہرہ دیکھ چکی ہے آپ صرف اپوزیشن کر سکتے ہیں آپ خدارا ستعفیٰدیں اور گھر جائیں کیونکہ جس تیزی سے آپ پاکستان پر قرضہ ڈال رہے ہیں اس میں ہمارا مستقبل گروی رکھا جا رہا ہے آپ کی لڑائی نواز شریف کے ساتھ ہے اس کی سزا عوام کو نہ دیں یہ ملک ان کو چلانے دیں جنہون نے اس ملک کو ایٹمی طاقت بنایا اور اس کی معیشت کو بہتر کیا تھا اور وہ صرف مسلم لیگ (ن) ہی ہے ہمارے پاس ملک چلانے کی صلاحیت ہے ہم اس ملک کو دوبارہ اس کے پیروں پر کھڑا کریں گے۔
