لاہور (ا ین این آئی) صوبائی وزیر جیل خانہ جات فیاض الحسن چوہان نے کہا ہے کہ پی ڈی ایم کی صورتحال ڈرامہ میرے پاس تم ہو کی طرح ہو چکی ہے، بیگم صفدر کو بچانے کے لیے لندن سے ڈاکٹر عدنان آگئے ہیں۔ ان کے والد بھی کہتے تھے میں باہر نہیں جاؤں گا

معافی نہیں مانگوں گا۔اب وہی مریم کر رہی ہیں۔ملتان میں میڈیا سے گفتگو کرتے ہوئے صوبائی وزیر جیل خانہ جات فیاض الحسن چوہان کا کہنا تھا کہ نواز شریف کو باہر حکومت نے نہیں بھیجا۔ ساری دنیا کو معلوم ہے کہ سوا سات ارب کے بانڈ مانگے گئے مگر عدالت میں 50 روپے والا اسٹامپ دیا گیا۔اب بیگم صفدر کہتی ہیں میں نے پاپا کے پاس جانا ہے۔فیاض الحسن چوہان نے کاہ کہ وزیر اعظم اور وزیر اعلی پنجاب اپنی مدت پوری کریں گے۔ جہانگیرترین ہمارے لیے قابل احترام ہیں۔ اس ملک میں ساری شوگر ملیں شریف برادرز اور زرداری سمیت ان کے حواریوں کی ہیں۔‎