لاہور( آن لائن، این این آئی ) پاکستان مسلم لیگ (ن ) کی نا ئب صدر مریم نواز کے علاج کیلئے نواز شریف کے ذاتی معالج ڈاکٹر عدنان خان لندن سے لاہو ر پہنچ گئے ۔مریم نواز کے خاندانی ذرائع کا کہنا ہے کہ نواز شریف کی خصوصی ہدایات پر مریم نواز کے علاج اور دیکھ بھال کے لیے شریف خاندان کے ذاتی چیف معالج ڈاکٹر عدنان خان لندن سے لاہور

پہنچے ہیں۔ ڈاکٹر عدنان مریم نواز کا چیک اپ کریں گے۔ ڈاکٹر عدنان کی ہدایت پر مریم نواز کے مختلف ٹیسٹ لے لئے گئے، ان رپورٹس کی روشنی میں ہی مریم نواز کے آئندہ کے علاج کا طریقہ وضع کیا جائے گا۔ ڈاکٹر عدنان مریم نواز کے کا تفصیلی چیک اپ کے بعد نواز شریف کو آگاہ کریں گے۔ دوسری جانب صوبائی وزیر صحت ڈاکٹر یاسمین راشد نے کہا ہے کہ 10مارچ کو کورونا ویکسین لگوانے والے بزرگ شہری یکم اپریل کو دوبارہ ویکسین لگوائیں، دوسری خوراک کیلئے اتوار والے دن بھی ویکسی نیشن سینٹرز کھلے رہیں گے۔اپنے بیان میں انہوں نے کہا کہ بزرگ شہریوں نے جس سینٹر سے پہلی ڈوز لگوائی دوسری ڈوز بھی اسی سینٹر سے لگوائیں۔انہوں نے بتایا کہ دوسری ڈوز لگوانے والے شہریوں کو میسج موصول نہ ہونے کی صورت میں بھی بائیسویں دن ویکسین لگا دی جائے گی۔اتوار کے روز بھی ویکسی نیشن سینٹر کھلے رہیں گے،ویکسی نیشن سینٹرز پر وافر مقدار میں کورونا ویکسین دستیاب ہے۔انہوں نے کہا کہ پنجاب بھر میں

126 کورونا ویکسی نیشن سینٹر زبنائے گئے ہیں، روزانہ تقریباً 20 ہزار بزرگ شہریوں کو کورونا ویکسین لگائی جا رہی ہے۔چین سے ویکسین کی 10 لاکھ ڈوز جلد پاکستان پہنچ رہی ہے، پنجاب میں کورونا ویکسین کی کوئی کمی نہیں ہے، 50 سال عمر سے زائد افراد کی رجسٹریشن کا عمل شروع کر دیا گیا ہے۔