اسلام آباد(آن لائن) جاتی امراء کے باہر پیپلزپارٹی کے سینئر رہنماء قمر زمان کائرہ کی گاڑی موٹر سائیکل سوار خاتون کے گھٹنے سے ٹکرا گئی۔ تا ہم دونوں محفوظ رہے۔ تفصیلات کے مطابق جاتی امراء کے باہر قمر زمان کائرہ کی گاڑی سے موٹر سائیکل ٹکرا گئی۔ حادثے میں موٹر سائیکل سوار جوڑا اور بچہ محفوظ رہا، قمر زمان کائرہ نے گاڑی سے اتر

کر موٹرسائیکل سوار جوڑے کی خیریت دریافت کی۔ قمر زمان کائرہ نے موٹرسائیکل سوار خاتون کو پانی پلایا، گاڑی موٹر سائیکل سوار خاتون کے گھٹنے سے ٹکرائی تھی۔ واضح رہے مریم نواز نے اظہارِ یکجہتی کیلئے لاہور آنے والے پی ڈی ایم رہنماؤں کو جاتی امرا مدعو کیا تھا، مریم نواز نے جاتی امرا میں پی ڈی ایم رہنماؤں کا استقبال کیا۔

موضوعات:قمر زمان کائرہ