اسلام آباد ( مانیٹرنگ ڈیسک /آن لائن )وفاقی وزیر اطلاعات شبلی فراز نے وزیراعظم سے ملاقات کے بعد کوروناٹیسٹ کرانے کا فیصلہ کرلیا اور کہا پی ڈی ایم مرحومین میں شامل تھی، پی ڈی ایم کا اب کوئی وجود نہیں۔تفصیلات کے مطابق وفاق وزیر اطلاعات و نشریات سینیٹر شبلی فراز نے کہا ہے
پیپلزپارٹی کا ن لیگ کو دھوکے سے متعلق کچھ نہیں کہہ سکتا،پیپلزپارٹی ذاتی مفادات کے لیے کارڈز کھیل رہی ہے،ن لیگ نے نہ کسی کو عزت دی اور نہ ہی مشاورت کی ۔ ان خیا لات کا اظہار انہوں نے گزشتہ روز میڈیا سے گفتگو کرتے ہوئے کیا ۔ انہوں نے کہا کہ کہ پی ڈی ایم مرحومین میں شامل تھی اور پی ڈی ایم کا اب کوئی وجود نہیںپی ڈی ایم میں دوریاں بڑھ گئی ہیں ،عنا، ضد اور نفرتوں کی سیاست کریں گے تو لوگ آپ سے علیحدہ ہونا شروع ہوجائیں گے۔ وزیر اطلاعات کا کہنا تھا کہ ن لیگ نے نہ کسی کو عزت دی اور نہ ہی مشاورت کی،ایسی صورتحال میں ن کے حصے میں رسوائی ہی آتی ہے ،اپوزیشن لیڈر کے معاملے پر ان کی کوئی مشاورت نہیں ہوئی،یہ اتخا د میں بلکہ انفرادی فیصلے ہیں،پیپلزپارٹی کا ن لیگ کو دھوکے سے متعلق کچھ نہیں کہہ سکتاپیپلزپارٹی ذاتی مفادات کے لیے کارڈز کھیل رہی ہے۔
