کراچی(این این آئی)پاکستان پیپلزپارٹی کے بدین سے رکن سندھ اسمبلی بشیر احمد ہالیپوتہ انتقال کر گئے۔بشیر احمد ہالیپوتہ پیپلز پارٹی کے سینئر بزرگ کارکن تھے جو تین بار رکن قومی اسمبلی اور دو بار رکن سندھ اسمبلی منتخب ہوچکے ہیں۔بشیر احمد ہالیپوتہ کافی دنوں سے علیل تھے

اور بدین کے مقامی اسپتال میں زیر علاج تھے۔چیئرمین پیپلز پارٹی بلاول بھٹو زرداری نے بشیر احمد ہالیپوتہ کے انتقال پر گہرے دکھ اور افسوس کا اظہار کیا۔ بلاول بھٹو نے کہا کہ بشیر احمد ہالیپوتہ کے انتقال کی خبر سن کر صدمے میں ہوں۔‎