اسلام آباد(مانیٹرنگ ڈیسک)چارجنگ کے دوران شارٹ سرکٹ کے باعث ہیڈ فون پھٹنے سے 13 سالہ لڑکی جاں بحق ہو گئی ۔میڈیا رپورٹس کے مطابق یہ افسوسناک واقعہ کوہلو والا میں پیش آیا ، 13 سالہ مشفا موبائل فون چارجنگ پر لگا کر ہیڈ فون استعمال کر رہی تھی کہ شارٹ سڑکٹ ہوا اور ہیڈفون پھٹنے سے آگ لگ گئی جس کے
باعث بچی کا جسم مکمل طور پر جھلس گیا ، لڑکی کو فوری طور پر ہسپتال منتقل کیا گیا لیکن وہ زندگی کی بازی ہار گئی ۔واضح رہے کہ اس سے قبل بھی اس طرح کے کئی واقعات رونما ہوچکے ہیں ، ماہرین نے بھی چارجنگ لگا کر موبائل فون سننے سے اجتناب کا مشورہ دیا ہے لیکن اس طرح کے واقعات تسلسل کیساتھ سامنے آرہے ہیں۔
