اسلام آباد(آن لائن )مسلم لیگ ن کے قائد نواز شریف نے مریم نواز اور حمزہ شہباز کو ٹیلی فون کیا ہے ۔ٹیلی فونک رابطے میں موجودہ سیاسی صورتحال اور پی ڈی ایم کی آئندہ کی حکمت عملی پر تبادلہ خیال کیا گیا ۔ذرائع کے مطابق مولانا فضل الرحمان سے اتوار کو ملاقات کے حوالے سے بھی مریم اور حمزہ شہباز نے لیگی قائد میاں نواز شریف سے رہنمائی لی۔
نوازشریف کا کہناتھا کہ مولانا فضل الرحمان ہمارے لیے قابل احترام ہیں۔ پی ڈی ایم آئندہ کی حکمت عملی پر جو بھی فیصلہ کریگی اسے ن لیگ مانے گی۔ نواز شریف نے پارٹی کو پنجاب میں منظم کرنے کیلئے مل کرکام کرنے کی بھی ہدایت کی ۔
