لاہور (آن لائن) مسلم لیگ(ن) پنجاب کی ترجمان عظمیٰ بخاری نے کہا ہے کہ ٹھگو کے ٹولے کی الٹی گنتی شروع ہو چکی ،مارچ 2021حکومت کے لیے ڈراؤنا خواب ثابت ہو گا۔سب چینی چور اور ان کے ترجمان اپنا اپنا سامان پیک کرلیں ۔عمران خان کے دائیں بائیں بیٹھا مافیا ملکی

جڑیں کھوکھلی کررہا ہے۔معیشت کا ’’ستیا ناس‘‘کرنے والے معاشی سرجن روز جھوٹے اعداد و شمار عوام کو پیش کرتے ہیں۔لوگ روٹی اور نوکریاں مانگ رہے ہیں اور نیازی صاحب قوم کو تحفے میں لنگر خانے دے رہے ہیں۔مسلم لیگ(ن) پنجاب کی ترجمان عظمیٰ بخاری کا فردوس عاشق کے بیان پر ردعمل میں کہاٹھگ انسٹیٹیوٹ آف پاکستان کی ’’سٹپنی ‘‘ترجمان کو صبح صبح ناجانے کیا کاٹ لیتا ہے۔تساں ہن ٹر جانا اے دن رہ گئے تھوڑے۔ہر صبح ناشتے میں جھوٹ، بدزبانی کے بعد ہی فردوس امجد کا ناشتہ ہضم ہوتا ہے۔خادمہ جی ،آپ کو پی ڈی ایم کے استعفے دیکھنے کا بہت شوق ہے ،آپ کا شوق جلدی پورا کر دیں گے۔جس دن پی ڈی ایم نے استعفے دیے اس دن کرایے کے ترجمان کی مفت خوری بند ہو جائے گی۔لنگر خانوں سے آستانے چلتے ہیں حکومتیں نہیں چلتی۔عمران خان کو لنگرخانے اتنے پسند ہے تو بنی گالہ اور زمان پارک کو لنگر خانوں میں تبدیل کردیں۔