اسلام آباد (این این آئی) پاکستان تحریک انصاف کے این اے 75کے امیدوار علی اسجد ملہی نے(ن)لیگی امیدوار نوشین افتخار کو چائے پینے کی دعوت دیدی ۔ منگل کو سپریم کورٹ کے باہر میڈیا سے گفتگو کے دور ان علی اسجد ملہی نے نوشین افتخار کو دعوت دی کہ

آپ ہمارے ساتھ بیٹھ کر چائے پئیں ۔ صحافی نے سوال کیاکہ کیا آپ عدالت سے باہر سمجھوتہ کرنے کی کوشش کر رہے ہیں؟ ۔ علی اسجد ملہی نے کہاک ہم یہاں سے ڈسکہ پہنچ کر چائے پئیں گے اور وہاں فیصلہ کریں گے۔ نوشین افتخار نے کہاکہ ہم لوگ دوبارہ الیکشن کی تیاری کریں گے اور الیکشن جیت کر مسلم لیگ ن کاجھنڈا لہرائیں گے۔ علی اسجد ملہی نے کہاکہ دوبارہ الیکشن میں جیت انکی خواہش ہی رہے گی، ڈسکہ کا الیکشن ہم مکمل طور پر جیت چکے ہیں، ہماری سات ہزار ووٹوں کی برتری ہے