اسلام آباد (مانیٹرنگ ڈیسک)معروف صحافی رئوف کلاسرا نے پبلک نیوزسے استعفیٰ دے دیا۔تفصیلات کے مطابق اپنے ایک ٹویٹ میں رئوف کلاسرا نے بتایا کہ انہوں نے پبلک نیوز سے استعفیٰ دے دیا ہے اور اب وہ اپنا ٹاک شو نہیں کریں گے۔

انہوں نے اپنے ناظرین کا شکریہ ادا کرتے ہوئے کہا کہ خطرات سے بھرپور اس شعبے میں ناظرین کا ہمارے پروفیشنلزم پر بھروسہ ہی سب کچھ ہے۔رئوف کلاسرا کے مطابق جس کام سے آپ جنون کی حد تک لگا ئورکھتے ہوں اس کو چھوڑنا آسان نہیں ہوتا لیکن بعض اوقات آپ کو یہ کرنا پڑتا ہے۔یاد رہے کہ اس سے قبل رئوف کلاسرا آپ نیوز پر پروگرام کیا کرتے تھے لیکن یہ چینل اب بند ہوچکا ہے ۔ رئوف کلاسرا نے چینل بند ہونے سے پہلے ہی اسے خیرباد کہہ دیا تھا۔ اس سے قبل وہ 92 نیوز پر عامر متین کے ساتھ پروگرام کرتے تھے لیکن اب ان کی جگہ مقابل پروگرام میں کالم نویس ہارون الرشید بطور تجزیہ کار شریک ہوتے ہیں۔