کراچی(این این آئی)ایم کیو ایم سے تعلق رکھنے والے سابق سینٹر تنویرالحق پی ٹی آئی میں شامل ہوگئے۔تنویر الحق تھانوی نے این اے 249 میں امجد افریدی کی مہم چلانے کا اعلان کردیا۔انہوں نے کہاکہ وزیراعظم کو سینٹ کا الیکشن جیتنے پر مبارکباد پیش کرتا ہوں۔وزیراعظم پاکستان نے جو بھی منصوبے شروع کئیے اس میں کامیابی کے
دعا گو ہوں۔انہوں نے کہاکہ پاکستان کومدینے جیسی ریاست بنانے میں تحریک انصاف کے ساتھ کھڑا رہوں گا۔عمران خان ہی واحد لیڈرہیں جس نے پاکستان کو مدینے جیسی ریاست بنانے کا عزم کیاہے۔دوسری جانب پاک سرزمین پارٹی کے چیئرمین سید مصطفی کمال نے کہاہے کہ حکمرانوں کو ہمارے حقوق دینے ہی ہونگے، کراچی چلتا ہے تو پورا ملک چلتا ہے، کراچی سے کما کر پنچاب، خیبر پختونخوا اور پورے پاکستان میں میٹرو اورسڑکیں بنتی ہیں جس پر خوشی ہے لیکن کراچی والوں کے دروازے کچرے کی وجہ سے نہیں کھلتے حالات دیکھ کر اہلیان کراچی پوچھنے پر مجبور ہیں ہم کہاں جائیں اس شہر کا کوئی پرسان حال نہیں، کراچی والوں کو تیسرے درجے کا شہری سمجھا جاتا ہے۔پاک سرزمین پارٹیکی لیاقت آباد میں عوامی رابطہ مہم جلسے میں تبدیل ہو گئی۔ شرکا سے پارٹی چیئرمین سید مصطفی کمال نے خطاب کرتے ہوئے کہاکہ وزیراعظم صرف تباہی کے بعد دورے پر آتے ہیں، پیپلز پارٹی مسلسل 13 سالوں سے ظلم کر رہی ہے اہلیان کراچی پر روزگار کے دروازے بند ہیں، عوام کو سوچنا ہوگا کہ ہمیں اپنی نسلوں کو بھی ایسا ہی رکھنا ہے یا حقوق لینے ہیں۔ میں کوئی ایسا قدم نہیں اٹھاں گا جس سے میری جدوجہد کو نقصان پہنچے ہم حقوق لینے کیلئے اسلحہ نہیں اٹھائیں گے، چار لوگوں کو دکھا کر پوری قوم پر دہشتگرد
اور ٹارگٹ کلرز کا ٹیگ لگا دیا جاتا ہے، شہر کے مسائل پس پشت ڈال دیئے جاتے ہیں اور پوری قوم صفائی دینے میں لگی رہتی ہے کہ ہم دہشتگرد نہیں ہم بانیان پاکستان کی اولاد ہیں، میں نے مہاجروں کے راستے سے کانٹے چنے ہیں، وزارتوں کیلئے نہیں اپنی نسلوں کیلئے جدوجہد کر رہے ہیں۔
