لکی مروت(این این آئی)پاکستان ڈیموکریٹک مومنٹ کے سربراہ اور جے یو آئی کے مرکزی امیر مولانا فضل الرحمن نے کہا ہے کہ پی ڈی ایم کا لانگ مارچ موجودہ ناجائز حکومت کے تابوت میں آخری کیل ثابت ہوگا ، عوام جلد نااہل حکمرانوں سے نجات حاصل کریں گے۔

ان خیالات کا اظہار انہوں نے سرائے نورنگ کے قریب ممہ خیل میں جہانزیب حسن کی رہائشگاہ پر پارٹی ورکروں سے مختصر خطاب کے دوران کیا۔ اس موقع پر ایم پی اے حاجی انور حیات خان، رئیس عیسک خیل حاجی محمداسلم خان، ضلعی امیر مولانا عبدالرحیم، جنرل سیکرٹری مولانا سمیع للہ مجاہد، سابق تحصیل ناظم مولانا اعزاز اللہ، جہانزیب حسن خان اور دیگر مقامی قائدین بھی موجود تھے ۔مولانا فضل الرحمان نے کہا کہ پی ڈی ایم کی سربراہی جے یو آئی کے پاس ہے اس لئے 26مارچ کو لانگ مارچ کی کامیابی کے سلسلے میں کارکنوں پر بھاری ذمہ داریاں آن پڑی ہیںہیں جن سے عہدہ براء ہونے میں کوئی کسر نہ چھوڑی جائے ۔انہوں نے کہا کہ کارکن لانگ مارچ کی تیاریاں تیز کریں اور گھر گھر مہم کے دوران لوگوں پر زور دیں کہ وہ ملک پر مسلط موجودہ ناہل حکمرانوں اور ناجائز حکومت سے نجات کے لئے لانگ مارچ میں بھرپور شرکت کریں۔