لاہور(این این آئی )مسلم لیگ(ن) پنجاب کی سیکرٹری اطلاعات عظمیٰ بخاری نے کہا ہے کہ شہزاد اکبر کی سربراہی میں مریم نواز کیخلاف پٹیشن تیار کی گئی،شہزاد اکبر جمعہ کی رات کو لاہور آتا ہے اگلے دن مریم نواز کیخلاف پٹیشن دائر ہوجاتی ہے،پھر عمران خان کے منشی کہتے ہیں ہمارا نیب سے کوئی تعلق نہیں ہے،سلطنت عمرانیہ اڑھائی سال بعد بھی مریم نواز کے

خوف میں مبتلا ہے،عمران خان پاکستانی تاریخ کے بزدل ترین وزیراعظم ثابت ہوئے ہیں،اپنی کرسی بچانے کیلئے مخالفین کی بہو بیٹیوں کو دھمکانا شرمناک ہے۔عظمیٰ بخاری نے فردوس عاشق کے بیان پر ردعمل میں کہاکہ نیازی صاحب گرفتاریوں اور جیلوں کی دھمکیوں سے حکومتیں مضبوط نہیں اپاہج ہو جاتی ہیں۔مریم نواز دو مرتبہ جیل کاٹ آئی ہیں عمران نیازی سے جیل میں دو راتیں بھی نہیں کاٹی جانی۔احتسابی ڈرامے نے نیب کو ذلت و رسوائی کے سوا کچھ نہیں دیا۔چیئر مین نیب کی ہوائوں کا رخ تبدیل ہونے سے پہلے ان کو پرانی ویڈیو دیکھادی جاتی ہیں۔حکومت چیئر مین نیب کو ویڈیو دیکھا کر مسلسل بلیک میل کررہی ہے۔سپریم کورٹ سے ہائیکورٹ تک ہر عدالت نے نیب کے طریقہ کار پر سوالات اٹھائے۔حیرت ہے کسی جج نے چیئر مین نیب کو جھوٹے کیسز بنانے پر کبھی عدالت طلب نہیں کیا؟چیئر مین نیب نے وزراء اعظم،اپوزیشن لیڈران سے میڈیا ہائوسز کے مالکان تک جھوٹے کیسز بنائے۔ہر کیس میں نیب کو تاریخی ذلت اور بدنامی کا سامنا کرنا پڑا۔مریم نواز حکومت کو ٹف ٹائم دے رہی ہیں صرف اس لیے نیب دوبارہ مریم نواز کیخلاف استعمال ہو رہا ہے۔انہوں نے مزید کہا عمران نیازی نے ایران اور امریکہ میں بیٹھ پاک فوج اور آئی ایس آئی کو بدنام کیا۔عمران خان نے امریکہ میں بیٹھ کر آئی ایس آئی پر طالبان کی سپورٹ کا الزام لگایا،بڑے آئے محب وطن۔عمران حکومت اور آپ لوگوں کو اداروں کی ترجمانی کا ٹھیکہ کس نے دیا ہے؟؟حکومتیں کارکردگی سے چلتی ہیں ،چمچہ گیری سے نہیں۔پہلے آپ اور چوہان طے کر لیں کون بڑا چمچہ ہے؟جو عمران خان کشمیریوں کا دم بھرتا تھا اسی نے راجہ فاروق حیدر پر غداری کا مقدمہ درج کیا۔لا حولا قوتہ ،خادمہ جی غداری کارڈ بہت پرانا ہوگیا ہے مارکیٹ میں کوئی نیا کارڈ لائیں۔عمران خان کو جب بھی حکومت جاتی نظر آتی ہے نیب کی کمر ہر چابک مار دیتا ہے۔پھر نمائشی بکرے اپنے کپتان کا دفاع کرنے اور نمبر ٹانگنے فورا گراؤنڈ میں آجاتے ہیں۔