لاہور( این این آئی)شیراکوٹ پولیس نے مردہ گائے کا گوشت مارکیٹ میں سپلائی کرنے کی کوشش ناکام بنا دی ۔ ایس ایچ او شیراکوٹ زاہد محمود کے مطابق مزدا ڈرائیور کو رکنے کا اشارہ کیا لیکن اس نے گاڑی بھگا دی جسے تعاقب کر کے روک لیا گیا ۔پولیس کے مطابق مزدا کو

پچھلی سائیڈ سے ترپال لگا کر کوور کیا گیا تھا جس میں مردہ گائے موجود تھی۔۔ایس ایچ او شیراکوٹ کے مطابق مزدا ڈرائیور نے انکشاف کیاکہ وہ مردہ جانوروں کے گوشت کو لاہور میں سپلائی کر تا ہے ۔ شاہراہوں اورکھلی جگہوں پر مردہ جانوروں کو تلاش کرتے ہیں جس کے بعد غیر قانونی مذبح خانہ لے جا کر گوشت تیار کر کے اسے شہر کے مختلف حصوں پر فروخت کیاجاتا ہے ۔شیراکوٹ پولیس نے مزدا ڈرائیور سیف اللہ کو گرفتار کر کے مقدمہ درج کرلیا ۔‎