اسلام آباد (این این آئی)چیئرمین سینیٹ صادق سنجرانی نے کہا ہے کہ الیکشن میں کامیابی کا اصل کریڈٹ وزیراعظم کو جاتا ہے، ایسی خوشی پہلے نہیں دیکھی جو گزشتہ روز تھی،میری پالیسی میں کوئی تبدیلی نہیں آئے گی، عمران خان نے میری بات سنی اور بڑی قربانی دی،
فاٹا کے عوام کا احساس محرومی ضرور ختم کریں گے۔وزیر اعلیٰ بلوچستان کی جانب سے دیئے گئے ظہرانے سے خطاب کرتے ہوئے صادق سنجرانی نے کہا کہ گزشتہ روز کا جوش و جذبہ قابل دید تھا، ہرکوئی ایک ایک ووٹ گن رہا تھا ، عمران خان نے اپنے سینیٹرز کو خصوصی ہدایات دے رکھی تھی۔انہوں نے کہا کہ الیکشن میں کامیابی کا اصل کریڈٹ وزیراعظم کو جاتا ہے، الیکشن میں مسلم لیگ ق، جی ڈی اے، ایم کیو ایم کا بھی شکر گزار ہوں۔چیئرمین سینیٹ نے کہا کہ ان ممبران سینیٹ کا بھی شکریہ ادا کرتا ہوں جنہوں نے مجھے ووٹ دیا، غیر جانبدار ہو کر سب کو ساتھ لیکر چلیں گے۔انہوں نے کہا کہ میری پالیسی میں کوئی تبدیلی نہیں آئے گی، عمران خان نے میری بات سنی اور بڑی قربانی دی، فاٹا کے عوام کا احساس محرومی ضرور ختم کریں گے۔
