لاہور( آن لائن)مسلم لیگ (ن) کے سینئر رہنما و سابق سینیٹر پرویز رشید نے کہا ہے کہ حکومت کو لانگ مارچ عوامی سیلاب میں تبدیل ہونے کا خوف کھائے جارہا ہے ،نیب عمران کے جذبہ انتقام کا آلہ کار بن چکے ہیں۔ہفتہ کے روز اپنے ٹوئٹر پیغام میں پرویز نے کہا ہے کہ   نیب  مریم نواز کو گرفتار کر کے عمران خان کی خواہش پوری کرنے کی کوشش کررہا ہے

کیونکہ حکومت کو لانگ مارچ کا عوامی سیلاب میں تبدیل ہونے کا خوف ہے- نیب عمران کے جذبہ انتقام کا آلہ کار بن کر رہ گیا ہے، انہوں نے کہا کہ مریم  نواز دفتر کے  سرکاری اہلکاروں کے قاتلانہ حملے کے باوجود نیب دفتر کے دروازے پر پہنچ گئی تھی اگر کہیں تو پھر آ جائیں گی ۔دوسری جانب بینکنگ جرائم کورٹ نے سابق وزیراعظم محمد نواز شریف کے کزنز کی جانب سے بینکوں سے قرضہ لے کر واپس نہ کرنے کے خلاف درخواست پر سماعت 24 اپریل تک ملتوی کر دی ۔ بینکنگ جرائم کورٹ کے خصوصی جج منیر احمد جوئیہ کی عدالت میں دوران سماعت ملزمان پیش نہ ہوئے اورحاضری معافی کی درخواستیںپیش کی گئیں۔عدالت نے ملزم میاں جاوید شفیع کی مستقل حاضری معافی کی درخواست پر وکلا ء سے دلائل طلب کر لئے ۔ درخواست میں موقف اپنایا کہ ملزم 72 سالہ بزرگ ہے اس لیے ہر پیشی پر آنا مشکل ہے، جاوید شفیع کو بزرگ ہونے کی بنا ء پر کرونا ہونے کے زیادہ خدشات ہیں۔ استدعا ہے کہ عدالت مستقل حاضری سے استثنیٰ دے۔ وکیل بینک نے موقف اپنایا کہ اتفاق مل اور کشمیر مل نے 700 ملین قرضہ حاصل کیا،قرضوں کی واپسی کے لیے متعدد نوٹسز جاری کیے گئے لیکن قرضہ واپس نہیں کیا جارہا ۔