لاہور( این این آئی )امیگریشن حکام نے علامہ اقبال انٹر نیشنل ائیرپورٹ پر بڑی کارروائی کرتے ہوئے ویزے کے بغیر لاہور پہنچنے والے فرانسیسی مسافر کو ڈی پورٹ کر دیا ، 77پاکستانیوں کو ترکی اور دبئی سے ڈی پورٹ کر دیاگیا ۔بتایاگیا ہے کہ

فرانسیسی مسافر امارات ایئر کی پرواز 624 سے دبئی سے لاہور پہنچا ،ویزہ نہ ہونے پر حکام نے اگلی پرواز 625 پر دبئی ڈی پورٹ کر دیا۔علاوہ ازیں ڈی پورٹ ہونے والے77 پاکستانی بھی لاہور پہنچے۔ ترکش ایئر کی پرواز 714 پر استنبول سے 73 ڈی پورٹ پاکستانی لاہور پہنچے ،تمام پاکستانیوں نے غیر قانونی راستوں سے یورپ داخلے کی کوشش کی جنہیں بارڈر فورسز نے مختلف کارروائیوں میں پکڑ کر ڈی پورٹ کر دیا۔ دبئی سے بے دخل چار پاکستانی امارات ایئر کی پرواز 624 سے لاہور پہنچے ۔امیگریشن حکام نے ضروری کارروائی کے بعد ڈی پورٹ ہونے والے پاکستانیوں کو گھروں کو جانے کی اجازت دیدی۔