راولپنڈی (این این آئی)وفاقی وزیر ہوا بازی غلام سرور خان نے کہا ہے کہ مسلم لیگ (ن)کو پورے ملک سے ذلت آمیز شکست کا سامنا کر نا پڑا ،اگر پاکستان کے اداروں کیخلاف بات کریں گے تو آپ ناکام ہوں گے،ملک کے اداروں کے خلاف بات کرنے والوں کے خلاف کارروائی ہونی چاہیے، نوازشریف علاج کا کہہ کر مفرور ہوگیا ،(ن)لیگ کے قائد کے نعرے لگانے والوں کو بھی شرم آنی چاہیے
،نامعلوم نمبروں سے کالز ہمیں بھی آتی ہیں ، برا بلا کہا جاتا ہے ، ہم نے کبھی اداروں کا نام نہیں لیا ۔ہفتہ کو وفاقی وزیر برائے ایوی ایشن غلام سرور خان نے میڈیا سے گفتگو کرتے ہوئے کہاکہ سینیٹ میں اپوزیشن کی تمام جماعتوں کو شکست اور تحریک انصاف اور اس کے اتحادیوں کو فتح ملی،نامعلوم نمبروں سے کالز ہمیں بھی آتی ہیں برا بھلا کہا جاتا ہے،ہم نے کبھی اداروں کا نام نہیں لیا۔غلام سرور خان نے کہاکہ نواز شریف علاج کا کہہ کر مفرو ہوگیا،نواز شریف کے نعرے لگانے والوں کو بھی شرم آنی چاہیے۔ انہوںنے کہاکہ نواز شریف ملک دشمن یے میں نفرت کا اظہار کرتا ہوں،ملک کے اداروں کے خلاف بات کرنے والوں کے خلاف کارروائی ہونی چاہئے،ن لیگ کو پورے ملک سے ذلت آمیز شکست کا سامنا کرنا پڑا،اگر آپ پاکستان کے اداروں کے خلاف بات کریں گے تو آپ ناکام ہوں گے،جیت جائیں تو ٹھیک ہے اور ہارتے ہیں تو الزامات لگانا شروع کردیتے ہیں۔ انہوںنے کہاکہ چھوٹے لوگ چھوٹی سوچ اپنی ہار کو تسلیم نہیں کرتے ہیں۔ انہوںنے کہاکہ پی پی اور ن لیگ مولانا کے بغل بچے بنے ہوئے ہیں،اپنی سیاست کو چمکانے کیلئے مولانا اسلام کو استعمال اور پمفلٹ بانٹ رہے ہیں۔ انہوںنے کہاکہ گزشتہ روز اسٹاک ایکسچینج بیٹھ گیا، یہ اقدامات غیر قانونی ہیں۔ انہوںنے کہاکہ میری داڑھی نہیں لیکن مجھے اللہ نے اپوزیشن سے بہت اچھا بنایا،جمعیت علمائے اسلام ہند نے پاکستان کی بھرپورمخالفت کی،مہنگائی ہماری حکومت کا مسئلہ ہے ،پی ڈیم نہیں یہ چلے ہوئے کارتوس ہیں۔ انہوںنے کہاکہ ہماری تمام توجہ مہنگائی کنٹرول کرنے پر ہے ۔
