اسلام آباد ( آن لائن ) چئیرمین سینیٹ کے انتخابات میں25 ووٹ کاسٹ ہو نے کے بعد مہر تبدیل کر دی گئی ۔ حکومت کی جانب سے چئیرمین سینیٹ کی نشست پر نامزد کردہ امیدوار صادق سنجرانی کے بیلٹ پیپر لینے پر ایوان میں ڈیسک بجائے گئے ۔ قبل ازیں  پولنگ بوتھ سے کیمرہ بر آمد ہونے کے بعد اپوزیشن کے مطالبہ پولنگ بوتھ تبدیل کیا گیا۔اس موقع پر چیئرمین سینیٹ کے حکومتی امیدوار

صادق سنجرانی پارلیمنٹ کیفیٹریامیں مہمانوں کے ساتھ تصاویر بنواتے رہے۔جمعہ کو صادق سنجرانی کیفٹیریا پہنچے جہاں انہوں نے پی آر اے سمیت صحافی کمیونٹی کے تعاون پر شکریہ کا اظہار کیا۔پارلیمنٹ کیفیٹریا میں موجود دیگر سینیٹرز اور مہمانوں کی بھی صادق سنجرانی سے ملاقات ہوئی، مہمان صادق سنجرانی کے ساتھ تصویریں کھنچواتے رہے۔ آج چیئرمین اور ڈپٹی چیئرمین سینیٹ کے انتخاب پولنگ تبدیل کرنے کا اپوزیشن کے مطالبہ کیا جس کے بعد پریزائڈنگ آفیسر کے حکم پر چیئرمین اور ڈپٹی چیئرمین سینیٹ کے انتخاب کے لیئے پولنگ بوتھ تبدیل کر دیا گیا اور پولنگ بو تھ لکڑی کا بنا یا گیا ۔دریں اثنا سینیٹ کے نئے پارلیمانی سال کے آغاز پر سینٹ اجلاس میں سینیٹ سیکریٹریٹ کا عملہ نومنتخب سینیٹرز کی رہنمائی کرتا رہا۔جمعہ کو سینٹ کا اجلاس شروع ہونے سے پہلے ہی نومنتخب سینیٹرز ایوان میں پہنچے اور انہیں اپنی اپنی نشستوں پر بیٹھنے کیلئے سینیٹ سیکریٹریٹ کا عملہ معاونت کے لئے موجود تھا ۔ چئیرمین سینیٹ کے انتخابا ت میں ووٹ کاسٹ کرنے کیلئے سینیٹر کو حروف تہجی کے اعتبار سے بلایا گیا۔ جمعہ کو نئے چئیرمین سینیٹ کے چنائو کا عمل شروع ہو ا تو پریزائیڈنگ آفیسرمظفر حسین شاہ نے ایوان میں موجو د سینیٹرز کو ووٹ کاسٹ کرنے کیلئے حروف تہجی کے اعتبار سے بلایا ۔۔