اسلام آباد(آن لائن)سابق وزیراعظم شاہد خاقان عباسی نے کہا ہے کہ سینیٹ الیکشن میں ووٹر اور امیدوار دونوں کے معاملات مشکوک ہیں حکومتی بنچوں پر تین ٹھیکیدار موجود ہیں جو پیسے دیکر منتخب ہوئے ان تینوں افراد پر اسی حکومت نے ملتان میٹرو کا کیس بنایا تھا آج وہی

لوگ اسی جماعت کے سینیٹر بنے ہوئے ہیں روزانہ کہتے ہیں کہ اداروں کی مداخلت بدستور قائم ہے ان خیالات کا اظہار گذشتہ روز انھوں نے احتساب عدالت میں پیشی کے بعد میڈیا سے گفتگو کرتے ہوئے کیا انھوں نے یہ بھی کہا کہ حکومت نے چئیرمین دوسری جماعت کا منتخب کیا ڈپٹی چئیرمین کے امیدوار آج بھی ن لیگی پارلیمانی پارٹی کے رکن ہیں ماضی میں بہت تماشے دیکھے اب یہ تماشا بھی دیکھیں گیاتنے بڑے ایوان کی اس طرح تضحیک کرنا مناسب نہیںہے عدم اعتماد کی کوئی بھی بات ابھی پی ڈی ایم میں نہیں چل رہی عدم اعتماد کی باتیں میڈیا میں ہی چل رہی ہیں۔