اسلام آباد (این این آئی)پاکستان تحریک انصاف کے رہنما سینیٹر فیصل جاوید نے سینیٹ کے پولنگ بوتھ میں کیمرہ لگانے کا الزام اپوزیشن پر ہی ڈال دیا۔پارلیمنٹ ہاؤس کے باہر میڈیا سے گفتگو کرتے ہوئے فیصل جاوید نیک ہا کہ جس نے کیمرہ ڈھونڈا ہے اس نے ہی لگایا ہے۔انہوں نے کہا کہ چارٹر آف ڈیموکریسی میں سیکریٹ بیلٹ پر دستخط کیے تھے اور ہم کہتے ہیں آؤ اوپن بیلٹ پر آؤ اور

اس الیکشن میں بھی آؤ۔فیصل جاوید نے کہا کہ ہم اوپن بیلٹ کا چیلنج کرتے ہیں ،یوسف رضا گیلانی کا الیکشن اور یہ حرکت آپ کے سامنے ہے۔انہوں نے اپوزیشن کو مخاطب کرکے کہا کہ اتنے سازشی اور ماہر لوگ ہیں، بڑے آئے جیمز بانڈ 007۔فیصل جاوید نے کہا کہ سینیٹ میں آنے کے ساتھ ہی وہ پولنگ بوتھ میں گئے اور کیمرہ ڈھونڈ لیا۔پی ٹی آئی کے سینیٹر نے کہا کہ اپوزیشن نے جس طرح وزیر اعظم عمران خان کو بلیک میل کرنے کی کوشش کی اس کی ساری وجہ این آر او ہے۔انہوںنے کہاکہ اسلام آباد سے یوسف رضا گیلانی کی سینیٹ نشست کی کامیابی اور آج کمیرے کی تنصیب سے واضح ہوگیا کہ سینیٹ انتخاب کبھی بھی اوپن بیلٹ نہیں کروانا چاہتے۔انہوں نے کہا کہ اپوزیشن کو شرم آنی چاہیے، ہم چاہتے ہیں کہ ہر الیکشن شفاف ہو اور ہارنے والے پروقار طریقے سے اپنے ہار تسلیم کرے۔فیصل جاوید نے اپوزیشن کو چیلنج کیا کہ اوپن بیلٹ پر اؤ تب معلوم چل جائے گا کہ کون عوام پسند رہنما ہے۔