لاہور (آن لائن) چیف جسٹس لاہور ہائیکورٹ جسٹس محمد قاسم خان نے پنجاب حکومت پر ایک لاکھ روپے جرمانہ عائد کردیا۔لاہور ہائیکورٹ میں محکمہ اوقاف کے اسسٹنٹ ڈائریکٹر محمد عمران کو مستقل نہ کرنے کے خلاف درخواست پر سماعت ہوئی جس میں چیف جسٹس لاہور ہائیکورٹ محمد قاسم خان نے عدالتی احکامات کے باوجود جواب جمع نہ کرانے پر سخت برہمی کا اظہار کیا۔دوران سماعت ایڈیشنل ایڈووکیٹ جنرل ملک عبدالعزیزاعوان نے مہلت کی استدعا کی جسے فاضل عدالت نے مسترد کردیا۔چیف جسٹس محمد قاسم خان
نے ریمارکس دئیے کہ ایک سال سے زائد عرصہ ہوگیا پنجاب حکومت نے ابھی تک جواب جمع کیوں نہیں کرایا؟ ۔فاضل چیف جسٹس نے پنجاب حکومت کو ایک لاکھ روپے جرمانہ عائد کردیا۔درخواست گزار نے موقف اپنایا کہ وہ محکمہ اوقاف میں 20سال سے کنٹریکٹ بنیادوں پرملازمت کررہا ہے، اعلی حکام کومتعدددرخواستیں دینے کے باوجودملازمت میں مستقل نہیں کیاگیا، ملازمت پرمستقل نہ ہونے سے اگلے عہدے پر ترقی بھی نہیں دی جارہی، عدالت حکومت کو ملازمت پر مستقل کرنے کا حکم دے۔
