لاہور(پ ر)محکمہ ہائیر ایجوکیشن پنجاب کے مطابق گورنر پنجاب نے پنجاب کی مزید 3 یونیورسٹیوں کے سروس قوانین، شرائط اور ضوابط کی باضابطہ منظوری دے دی ہے۔ سیکرٹری ہائیر ایجوکیشن ندیم محبوب کا کہنا تھا کہ منظور ہونے والی سروس ریگولیشنز میں یونیورسٹی آف گجرات، ہوم اکنامکس یونیورسٹی اور یونیورسٹی آف چکوال شامل ہیں۔
منظور شدہ سروس اسٹیٹیوٹس میں بھرتیوں، تعیناتیوں، پروموشن اور ڈیپوٹیشن کے حوالے سے تفصیلات درج ہیں۔ قوائد و ضوابط کی منظوری سے یونورسٹیوں کے انتظامی امور میں درپیش مسائل فوری حل ہوسکیں گے۔ یونیورسٹی آف چکوال، کوہسار یونورسٹی اور بابا گورو نانک یونیورسٹی کے نئے وائس چانسلرز بھی تعینات کئے جاچکے ہیں۔
