اسلام آباد(آن لائن)حکومتی اتحادی جماعتوں نے چیئرمین و ڈپٹی چیئرمین سینیٹ کیلئے امیدواروں کا وزیراعظم کو اختیار دیدیا۔تفصیلات کے مطابق وزیراعظم عمران خان کی زیرصدارت حکومت کی اتحادی جماعتوں کے رہنمائوں کا اجلاس ہوا جس میں چیئرمین و ڈپٹی چیئرمین سینیٹ کے لئے امیدواروں کے نام پر مشاورت کی گئی ۔اجلاس کے دوران اتحادیوں نے وزیراعظم عمران خان کو چیئرمین و ڈپٹی چیئرمین سینیٹ کیلئے نام فائنل کرنے کا اختیار دیتے ہوئے کہا

کہ عمران خان جنہیں بھی سینیٹ کے چیئرمین و ڈپٹی چیئرمین کے لئے نامزد کریں گے ہمیں ان کا فیصلہ قبول ہوگا ۔ذرائع کے مطابق وزیراعظم کی زیر صدارت اجلاس میں جی ڈی اے کے رہنما مصروفیات کے باعث شریک نہیں ہو سکے جن سے وزیراعظم نے ٹیلی فونک رابطہ کیا اور انہیں (آج) جمعرات کو ملاقات کیلئے طلب کیا ہے اور آج جمعرات کو سینیٹ کے چیئرمین و ڈپٹی چیئرمین کے انتخاب کے حوالے ان سے تفصیلی مشاورت کی جائے گی۔

موضوعات:ڈپٹی چیئرمین سینٹ