اسلام آباد (مانیٹرنگ ڈیسک )پنجاب کی تمام 11نشستوں پر امیدوار بلامقابلہ منتخب ہوچکے ہیں جب کہ آج اسلام آبادکی 2 خیبر پختونخوا کی 12 سندھ کی 11 اور بلوچستان کی 12 نشستوں پر ووٹ ڈالے گئے۔سینیٹ انتخابات کا سب سے دلچسپ اور بڑا معرکہ وفاقی دارالحکومت

اسلام آباد کی جنرل نشست پر ہےجہاں سابق وزیر اعظم یوسف رضا گیلانی اور وزیر خزانہ عبد الحفیظ شیخ ایک دوسرے کے مدمقابل ہیں۔دوسری جانب ایوان بالا یعنی سینیٹ کی 37 خالی نشستوں پر انتخابات کا عمل مکمل ہوگیا اور ووٹوں کی گنتی کا عمل جاریہے۔ پی ٹی آئی امیدوار عبداحفیظ شیخ اور پی ڈی ایم کے امیدوار یوسف رضا گیلانی ایک ساتھ بیٹھ کر گنتی کا عمل دیکھ رہے ہیں۔سینیٹ انتخابات کے دوران قومی اسمبلی میں 341 ووٹوں میں سے 340 ووٹ کاسٹ ہوئے۔سینیٹ انتخابات کے دوران خیبر پختونخوا اسمبلی میں 145 ممبران میں سے 136ارکان نے ووٹ کاسٹ کیا۔ بلوچستان اسمبلی میں تمام 65 ارکان نے ووٹ کاسٹ کیا۔سندھ اسمبلی کے 168 میں سے 167 ارکان نے ووٹ ڈالے۔