لاہور (آن لائن) قومی اسمبلی میں اپوزیشن لیڈر محمدشہباز شریف اور سابق وزیر دفاع خواجہ محمدآصف کو سینیٹ انتخابات میں ووٹ ڈالنے کی اجازت مل گئی ۔ احتساب عدالت نے مسلم لیگ ن کے دونوں رہنماوں کو اسلام آباد جانے کی اجازت دیدی۔ محمدشہباز شریف اور
خواجہ محمد آصف جوڈیشل ریمانڈ پر جیل میں ہیں۔جیل حکام نے احتساب عدالت میں درخواست دائر کی جس میں کہا گیاکہ محمدشہباز شریف اور خواجہ محمد آصف دونوں قومی اسمبلی کے رکن ہیں،جنہیں سینیٹ انتخابات میں ووٹ ڈالنے کیلئے اسلام آباد لے کر جانا ہے اس لیے اجازت دی جائے۔جس پر احتساب عدالت کے جج امجد نذیرچودھری اور اکمل خان پرمشتمل الگ الگ عدالتوں نے درخواستوں کو منظور کر تے ہوئے محمد شہباز شریف اور خواجہ محمد آصف کو سینیٹ انتخابات میں ووٹ ڈالنے کیلئے اسلام آباد جانے کا حکم دیا۔سینیٹ کے انتخابات (آج )بروز بدھ کو ہوں گے ۔
