مریدکے ( این این آئی)ظالم شوہر نے مبینہ طو رپر محبوبہ کی خواہش پر کینسر کی مرض میں مبتلا بیوی کو تین کمسن بچوں سمیت گھر سے نکال دیا ،کینسر کے مرض میں مبتلا ماں کا وزیر اعلی اور آئی جی پولیس پنجاب سے نوٹس لینے کا مطالبہ ۔مریدکے کی آبادی اقبال پارک کی رہائشی بیوہ خاتون شاہدہ بی بی نے میڈیا کو بتایا بیٹی کی خواہش پر اس کی شادی رینالہ خورد کے
عبدالرئوف سے کی جس کے بطن سے دو بیٹے اور ایک بیٹی پیدا ہوئے ،بیٹی اچانک بیمار ہوئی ڈاکٹروں نے بتایا اسے کینسر ہے جس کی وجہ سے اس کے شوہر نے کسی اور لڑکی سے مراسم قائم کرلئے اور میری بیٹی کو بچوں سمیت گھر سے نکال دیا ،بیٹی مریدکے پہنچی رکشہ پر بیٹھ کر بچوں سمیت گھر جارہی تھی کہ اس کا داماد ایک لڑکی اور دو مردوں کے ہمراہ مریدکے پہنچا اورریلوے روڈ پر رکشہ روک کر بچوں کو اغوا ء کرنے کی کوشش کی ،مزاحمت پر بیوی پر وحشیانہ تشدد شروع کردیا اور بازو توڑ ڈالا ،ون فائیو پر پولیس موقع پر پہنچی لیکن ملزمان کو پکڑ کر چھوڑ دیا اور انہیں انصاف فراہم کرنے کی بجائے تھانے سے نکال دیا ۔کینسر کی مرض میں مبتلا سمعیہ نے بتایا اس کے شوہر نے اپنی محبوبہ کے کہنے پر ایسا کیا ہے ،پولیس نے میڈیکولیگل دینے کی بجائے اور انصاف کے تقاضے پورے کرنے کی بجائے تھانے سے نکال دیا اب اس کی اور بچوں کی جان کو خطرہ ہے ،وزیر اعلی پنجاب اور آئی جی پولیس پنجاب ہمیں تحفظ اور انصاف فراہم کریں ۔
