مکوآنہ (این این آئی ) حالات کے ستائے نوجوان نے زہریلی گولیاں نگل کر اپنی زندگی کا خاتمہ کر لیا۔ تفصیلات کے مطابق الٰہی آباد کے رہائشی اکرم ولد انور نے مہنگائی اور گھریلو حالات سے دلبرداشتہ ہو کر گندم میں رکھنے والی گولیاں نگل لیں جسے حالت غیر میں مبتلا ہونے پر الائیڈ ہسپتال داخل کرایا گیا جہاں زندگی وموت کی کشمکش

میں مبتلا رہنے کے بعد وہ ابدی نیند سو گیا، ہسپتال انتظامیہ نے ضروری کارروائی کے بعد نعش ورثاء کے حوالے کر دی۔دوسری جانب نامعلوم موٹر سائیکل سواروں کی اندھا دھند فائرنگ25سالہ نوجوان مارا گیا جبکہ ساتھی شدید زخمی ہو گیا،نوجوان کے ورثاء کا درجنوں افراد کے ہمراہ پولیس کے خلاف احتجاج’ ڈجکوٹ روڈ ٹریفک کے لئے بند’ ملزمان کی گرفتاری تک احتجاج جاری رکھنے کا اعلان’ واقعہ کے مطابق بیان کیا جاتا ہے کہ کارخانہ بازار ڈجکوٹ کا رہائشی رانا شہریار اپنے عزیز کے ہمراہ بائیک پر سوار اپنے بھائی سے ملاقات کے لیے فیصل آباد جیل جارہا تھاکہ سمندری روڈ دالوال سٹاپ کے قریب مسلح موٹر سائیکل سواروں نے اندھا دھند فائرنگ کر دی جس کے نتیجے میں رانا شہریار عرف شہری موقع پر دم توڑ گیا جب کہ قاسم شدید زخمی ہو گیا ریسکیو بروقت نہ پہنچ سکی زخمی قاسم کو پرائیویٹ گاڑی میںہسپتال منتقل کر دیا گیا رانا قاسم کی چند دن قبل شادی ہوئی تھی حملہ آور فائرنگ کے بعد فرار ہو گئے پولیس نے پوسٹ مارٹم کے لیے رورل ہیلتھ سنٹر ڈجکوٹ منتقل کر دیا ہے رانا شہر یار نوجوان لیڈر تھا اس کے مارے جانے کی اطلاع ملتے ہی علاقے میں سوگ کی فضا طاری ہوگئی لوگ جوق در جوق ان کے گھر افسوس کے لیے پہنچ گئے ۔