اسلام آباد(این این آئی)سرکاری افسران کے عوامی شکایات کو بروقت حل نہ کرنے پر وزیر اعظم کے نوٹس کے بعد غیر سنجیدہ اور موثر کارکردگی نہ دکھانے والے سرکاری افسران کے خلاف ایکشن شروع کر دیا گیا،چیف سیکریٹری پنجاب نے ماتحت 1586 افسران کے ڈیش بورڈ کی جانچ پڑتال مکمل کر لی،

وزیراعظم پرفارمنس ڈیلیوری یونٹ کی رپورٹ وزیراعظم کو پیش کر دی گئی،263 افسران کو کارکردگی کی بنیاد پر وارننگ،7 سرکاری افسران کو شوکاز نوٹس جاری کر دیا گیا، وزیر اعظم آفس کے مطابق 833 افسران کو محتاط رہنے کی ہدایت، 111 افسران سے وضاحت طلب کرلی گئی،403 سرکاری افسران کی کارکردگی کو سراہا گیا، سیکرٹری اطلاعات،زراعت،ایکسائز اور سیکرٹری آبپاشی کو کارکردگی بہتر کرنے کا مراسلہ جاری کر دیا گیا،وزیراعظم نے کابینہ اجلاس کے دوران سرکاری افسران کی ناقص کارکردگی کا نوٹس لیا تھا،وفاقی وزراء نے بھی بیوروکریسی کے غیر سنجیدہ رویے کی شکایت کی تھی۔ وزیراعظم آفس کے مطابق ڈپٹی کمشنر لاہور، گجرات، شیخو پورہ سمیت پنجاب کے 20 ڈپٹی کمشنرز کو مراسلے جاری کر دیا گیا،تمام افسران عوام کوبہتر سہولیات کی فراہمی کے لیے کارکردگی کو بہتر کریں، وزیراعظم آفس کے مطابق اسسٹنٹ کمشنر رائیونڈ،لیہ،جھنگ، بْوریوالا، صادق آباد، ننکانہ صاحب، پنڈی گھیب، سمیت 43 اسسٹنٹ کمشنرز کو شوکازنوٹس جاری کر دیا گیا۔ وزیر اعظم آفس کے مطابق وارننگ لیٹر جاری کرنے کا مقصد تمام افسران کو تنبیہ کرنا ہے، وزیراعظم کے ویڑن کے مطابق عوام کو سہولیات مہیا کرنے کے لیے اقدامات لیے جا رہے ہیں۔