لاہور (آن لائن) لاہور سمیت پنجاب کے بیشتر میدانی علاقوں میں شدید دھند کا راج ہے، حد نگاہ صفر ہونے پر موٹروے کو کئی مقامات پر بند کردیا گیا ہے۔ نجی ٹی وی چینل کے مطابق ترجمان موٹر وے کے حوالے سے بتایا کہ موٹروے ایم ٹو

کو لاہور سے پنڈی بھٹیاں تک، موٹروے ایم تھری کو لاہور ننکانہ صاحب تک جبکہ لاہور سیالکوٹ موٹروے بھی دھند کے باعث ٹریفک کے لئے بند کردیا گیا ہے۔ قومی شاہراہ پر بھی شدید دھند کے باعث کئی مقامات پر ٹریفک کی روانی متاثر ہوئی ہے۔محکمہ موسمیات کے مطابق دھند کا یہ سلسلہ اگلے 24 گھنٹوں تک جاری رہنے کا امکان ہے جس سے درجہ حرارت میں مزید کمی کا بھی امکان ہے۔ لاہور کے کئی حصوں میں کہیں ہلکی اور کہیں گہری دھند چھائی ہے۔ دھند کی شدت کے باعث شہر میں لوگوں کے معمولات زندگی اور فلائٹ آپریشن بھی متاثر ہوا ہے۔