اسلام آباد (این این آئی)اسلام آباد ہائی کورٹ نے سیاسی مہم میں لفظ نیا پاکستان استعمال کرنے کے خلاف درخواست پر تحریری دلائل طلب کرلئے ۔ اسلام آباد ہائی کورٹ کے جسٹس عامر فاروق نے درخواست پر سماعت کی،وفاق کی جانب سے ڈپٹی اٹارنی جنرل راجہ خالد محمود عدالت میں پیش ہوئے۔ جسٹس عامر فاروق نے ڈپٹی اٹارنی جنرل سے استفسار کیا کہ نیا پاکستان کا

مطلب کیا ہے؟ ۔ جسٹس عامر فاروق نے کہاکہ عدالتوں میں زیر سماعت کیسسز پر ٹالک شوز میں تجزیہ توہین عدالت کے زمرے میں آتا ہے، ٹی وی پر شام 6 سے رات 11 تک تمام ٹالک شوز توہین عدالت کے زمرے میں آتا ہے، وفاقی حکومت اور پیمرا دونوں تحریری جواب جمع کریں پھر کیس کو آگے بڑھائیں گے۔ بعد ازاں عدالت نے کیس کی سماعت موسم سرما کی چھٹیوں کے بعد تک ملتوی کردی۔