لاہور( این این آئی )شہباز شریف فیملی کی مشکلات میں مزید اضافہ ہوگیا،نیب لاہور نے شہباز شریف کے بیٹی رابعہ عمران اور داماد عمران یوسف سمیت دیگر کیخلاف ریفرنس فائل کردیا۔ملزمان پر قومی خزانے کو37 کروڑ 5 لاکھ 28 ہزار کا نقصان پہنچانے کا الزام ہے ۔نیب ریفرنس کے مطابق صاف پانی واٹر فلٹریشن پلانٹس کی مد میں 13 کروڑ سے زائد کی کرپشن کی

گئی، سامان مہنگے داموں خریداری کے باعث قومی خزانے کو13 کروڑ 32 لاکھ کا قومی خزانے کو نقصان پہنچایا گیا، سولر ورک کی مد میں قومی خزانے کو 8 کروڑ 16 لاکھ کا نقصان پہنچایا گیا، رابعہ عمران، عمران علی سمیت دیگر پر قومی خزانے کو 2 کروڑ 47 لاکھ کا نقصان پہنچانے کا الزام ہے، ریفرنس میں مرکزی ملزم وسیم اجمل کو بھی نامزد کیا گیا ہے۔