لاہور(پ ر ) وزیراعلیٰ پنجاب سردار عثمان بزدار نے کہا کہ کورونا کی دوسری لہر سے بچاؤ کیلئے حفاظتی تدابیر پر سختی سے عملدرآمد کرنا ہوگا۔ کورونا کی دوسری لہر کے پیش نظر عوام احتیاط کا دامن ہاتھ سے نہ چھوڑیں اور شہری گھرسے باہر نکلتے ہوئے

ماسک لازمی پہنیں۔ انہوں نے کہا کہ اکتوبر میں کورونا مریضوں کی شرح میں اضافہ ہوا ہے اور کورونا کے باعث اموات میں اضافہ دیکھنے میں آیا ہے۔ صوبے میں کورونا ایکٹو کیسوں کی تعداد 3688ہوگئی ہے۔24گھنٹے کے دوران کورونا کے 232نئے کیس سامنے آئے اور6مریض جاں بحق ہوئے اور پنجاب میں اب تک 2242مریض جاں بحق ہوچکے ہیں۔ 24گھنٹے میں کورونا کی تشخیص کیلئے 11056ٹیسٹ کیے گئے ہیں اور اب تک 1555123ٹیسٹ کیے جاچکے ہیں جبکہ103314مریضوں میں سے 97384مریض صحت یاب ہوچکے ہیں۔