کراچی (مانیٹرنگ ڈیسک)قائداعظم مزار کی انتظامیہ نے مریم نواز کے قافلے کو مزارمیں داخل ہونے سے روک دیا ۔ مزار قائد کی انتظامیہ نے کہا ہے کہ کرونا ایس او پیز کی وجہ سے مزار میں صرف 6 گاڑیوں کو مزار داخل ہونے کی اجازت دی جبکہ لیگی کارکنان مزار قائد کے
جنگلے پھلانگ کر داخل ہوئے ۔تفصیلات کے مطابق مریم نواز اپوزیشن جماعتوں کے اتحاد پاکستان ڈیموکریٹک موومنٹ (پی ٹی ایم) کی حکومت ہٹاؤ تحریک کے دوسرے جلسے میں شرکت کے لیے مسلم لیگ نون کی نائب صدر مریم نواز کراچی پہنچ گئیں۔کراچی روانگی سے قبل میڈیا سے گفتگو کرتے ہوئے مریم نواز کا کہنا تھا پہلے بھی وی آئی پی طریقے سے جیلوں میں نہیں رہے، گرفتاری کا کوئی خوف نہیں، حکومت مخالف تحریک فیصلہ کن مرحلے میں داخل ہو رہی ہے، مریم نواز نے وزیراعظم کے بیان پر جوابی وار کرتے ہوئے کہا کہ دھمکیاں کسی اور کو دیں۔مریم نواز کا مزید کہنا تھا بڑوں کی لڑائی میں چھوٹوں کا کوئی کام نہیں، لیگی رہنما نے وزیراعظم کی تقریر کو ہار قرار دیدیا۔ انہوں نے مزید کہا کہ حکومت مخالف تحریک فیصلہ کن مراحل میں داخل ہوچکی ہے۔
