اسلام آباد (نیوز ڈیسک) حکومت کا آئندہ 15 دنوں کے لئے پٹرولیم مصنوعات کی قیمتیں برقرار رکھنے کا فیصلہ،اوگرا کی جانب سے بھیجی گئی قیمتوں میں کمی کی سمری مسترد کر دی گئی، وزیراعظم عمران خان نے قیمتیں برقرار رکھنے کی منظوری دے دی، وزیراعظم عمران خان نے وزارت پٹرولیم اور وزارت خزانہ کو پٹرول اور
ڈیزل کی قیمتیں برقرار رکھنے کی ہدایت کی تھی۔واضح رہے کہ اوگرا کی جانب سے بھیجی گئی سمری میں پٹرولیم مصنوعات پر عائد لیوی میں کمی کر کے قیمتیں کم کرنے کی سفارش کی گئی تھی۔ پٹرول کی قیمت پر فی لیٹر27 روپے سے زائد، مٹی کی فی لیٹر قیمت پر 11 روپے سے زائد جبکہ ڈیزل پر 30 روپے لیوی عائد ہے۔
