شیخوپورہ (این این آئی) لاہور تا کراچی موٹر وے پر شیخوپورہ کے علاقہ میں ممنوعہ ایریا میں با اثر افراد نے مقامی حکام کی غفلت سے فائدہ اٹھاتے ہوئے دیوار تعمیر کر ڈالی یہ دیوار موٹر وے کے ممنوعہ علاقہ میں شرقپور کے قریب بنائی گئی ہے جس پر نیشنل ہائی وے اتھارٹی کے حکام نے سخت تشویش کا اظہار کیا ہے، ڈپٹی پراجیکٹ ڈائریکٹر لاہور کراچی موٹر وے

احمد بلال ننگیانہ کی طرف سے ڈی پی او شیخوپورہ اور محکمہ مال کو دیوار کی تعمیر سے آگاہ کرتے ہوئے بتایا گیا ہے کہ موٹر وے پر 250 میٹرز کی حدود میں کوئی تعمیر نہ ہوسکتی ہے مگر شرقپور کے نزدیک محمد سرور نامی شخص نے دیوار بنا دی ہے جس سے انٹر چینج کی کارکردگی متاثر ہو رہی ہے چنانچہ اس دیوار کو فوری طور پر مسمار کیا جائےـ