لاہور (آن لائن) صوبائی دارلحکومت لاہور کی کچہریوں میں پیش کئے جانے والے ملزمان کی ضمانتوں کا نظام یرغمال بنائے جانے کا انکشاف ہوا ہے۔ جس کے نتیجے میں جعلی ضمانتیوں اور جعلی مچلکوں کے ذریعے چوری ڈکیتی سمیت دیگر سنگین وارداتوں میں

ملوث ملزمان ضمانتوں پر رہا ہو کر باہر آچکے ہیں بتایا گیا ہے کہ اس وقت صرف لاہور میں 31 افراد ایسے ہیں جو جعلی دستاویزات اور جعلی مچلکوں کے ذریعے 6 سو سے زائد ملزمان کی ضمانتیں کروا چکے ہیں اور ان ضمانتیوں میں سے 7 ضامن ایسے ہیں جن کے اپنے خلاف مقدمات درج ہیں یہ بھی بتایا گیا ہے کہ قانون کے مطابق ایک ضامن صرف کسی ایک ملزم کی ضمانت دے سکتا ہے جبکہ 31 ضامنوں پر مشتمل گروہ کا ہر ایک رکن 700 سے زائد ضمانتیں کروا چکا ہے اور اس گروہ کے ذریعے مجموعی طور پر 9543 ملزمان ضمانتوں پر رہا ہوچکے ہیں۔