اسلام آباد (این این آئی) وزیر اعظم عمران خان نے پی آئی اے کی ری اسٹکچرنگ کا عمل جلد مکمل کرنے کی ہدایت کی ہے جبکہ وفاقی کابینہ نے چینی کی قیمتیں بڑھانے والوں کے خلاف کریک ڈائون کا فیصلہ کرتے ہوئے کہا ہے کہ کریک ڈائون فعال انداز میں ہوگا ،ذخیرہ اندوزوں پر ہاتھ ڈالا جائے گا۔ منگل کووزیراعظم عمران خان کی زیر صدارت وفاقی کابینہ کااجلاس ہوا جس میں ملکی سیاسی،
سلامتی اور معاشی صورتحال کا جائزہ لیا گیا ،وفاقی کابینہ کے اجلاس میں 15 نکاتی ایجنڈے پر غور اور متعدد نکات کی منظوری دے دی گئی ،اجلاس میں قومی ائیر لائین پی آئی اے کی ری اسٹرکچرنگ کے معاملے کا بھی جائزہ لیا گیا ،پی آئی اے کے سالانہ منافع اور نقصان کی رپورٹ وفاقی کابینہ میں پیش کی گئی ۔ کابینہ کو بریفنگ دی گئی کہ کورونا کے باعث دنیا بھر کی ائئرلائین نقصان میں گئیں۔ وزیر اعظم نے کہاکہ پی آئی اے اصلاحات کے باعث بہتری کی جانب گامزن ہے ۔وزیراعظم نے پی آئی اے کی ری اسٹکچرنگ کا عمل جلد مکمل کرنے کی ہدایت کر دی۔ کابینہ میں مہنگائی کی شرح ،ریلوے اور پی آئی کی بحالی سمیت اہم قومی معاملات پر غور کیا گیا ۔کابینہ ارکان نے ڈاکٹروقار مسعود کی معاون خصوصی ریونیو تقرری کا خیر مقدم کیا گیا ۔کابینہ اجلاس میں مہنگائی میں کمی کیلئے حکومتی اقدامات کا جائزہ لیا گیا بتایاگیاکہ حکومت اشیائے خوردونوش کی قیمتوں میں کمی کیلئے اقدامات اٹھا رہی ہے ،گندم کی درآمد سے آٹے کی قیمتوں میں مصنوعی اضافہ ختم ہوگا۔کابینہ کو بتایاگیاکہ گندم کی پہلی کھیپ پہنچ چکی ،باقی جلد پہنچ جائیگی ۔کابینہ نے چینی کی قیمتیں بڑھانے والوں کے خلاف کریک ڈائون کا فیصلہ کیا گیا ۔ کابینہ میں فیصلہ کیاگیاکہ کریک ڈائون فعال انداز میں ہوگا ،ذخیرہ اندوزوں پر ہاتھ ڈالا جائے گا۔وزیر ریلوے نے ریلوے کی بحالی اور تعمیر نو کا پلان پیش کردیا ۔اجلاس میں ریلوے کے ملازمین کی پنشن کا معاملہ وفاقی کابینہ کیاجلاس میں پیش کیا گیا ۔بتایاگیاکہ کراچی سرکلر ریلوے کی مکمل بحالی تین مراحل میں ہوگی۔ وزیر ریلوے نے کہاکہ سپریم کورٹ نے کراچی سرکلر ریلوے کی جلد بحالی کی ہدایت دی ہے ۔
