لاہور (آن لائن)مسلم لیگ(ن) پنجاب کے صدر رانا ثناء اللہ نے کہا ہے کہ حکومت کا جھوٹ اب نہیں چلے گا، مسلم لیگ ن کی لیڈر شپ کیخلاف کرپشن کا بیانیہ لایا گیا، کرپشن اور نیب کا بیانیہ پٹنے کے بعد غداری پر اتر آئے ہیں۔مریم نواز کو مخاطب کرنا شیخ رشید کو مہنگا پڑے گا۔

لاہور میں میڈیا سے گفتگو کرتے ہوئے رانا ثنائاللہ نے کہا حکومت مریم نواز کے گوجرانوالہ میں خطاب کا سن کر بوکھلاہٹ کا شکار ہے حکومت نے سیاسی رواداری ختم کر دی ہے، نیب کے ذریعے انتقامی کارروائیاں کی جا رہی ہیں،شیخ رشید حد میں رہیں، انہوں نے حد پار کی تو ان کو نقصان ہوگا، مریم نواز کو مخاطب کرنا شیخ رشید کو مہنگا پڑے گا، شیخ رشید کو میں نے خود نواز شریف کے پیچھے دم ہلاتے دیکھا، شیخ رشید ن لیگ میں شامل ہونے کے لیے منتیں کرتا رہا، پارٹی میں اس کی سفارشیں بہت اہم شخصیات کرتی تھیں، اس وقت نواز شریف کو کہا تھا کہ اس کو شامل کرلیں ورنہ یہ غلاظت پھیلائے گا۔سابق وزیر قانون رانا ثنائاللہ نے دعویٰ کیا کہ آزاد کشمیر کے وزیر اعظم سمیت پوری اہم لیگی قیادت پر مقدمات عمران خان کے کہنے پر درج کیا گیا،انہوں نے کہا کہمسلم لیگ (ن) کی قیادت کے خلاف پہلے کرپشن کا بیانیہ لایا گیا، اب غداری پر اتر آئے ہیں نواز شریف کو اللہ نے عزت دی ، حکومت صرف پروپیگنڈا کر رہی ہے تین بار کے منتخب وزیراعظم کو غدار قرار دیا گیا جو افسوسناک ہے ۔ حکومت بتائے کہ ڈھائی برسوں میں کیا کیا، جلسوں کے صرف اعلان سے حکومت کے ہاتھ پاؤں پھْول گئے۔

موضوعات:رانا ثنا اللہ