لاہور( این این آئی)لاہور آٹا چکی اونرز ایسوسی ایشن نے چکی سے تیار کردہ آٹے کی ایک کلو قیمت میں 2 روپے اضافہ کر دیا ہے جس سے اس کی قیمت 76روپے سے بڑھ کر 78 روپے ہو گئی ہے جبکہ لاہور کے بیشترعلاقوں میں بعض آٹا چکی مالکان پہلے ہی ایک کلو چکی سے تیار کردہ آٹا80روپے سے 85روپے فی کلو تک فروخت کر رہے ہیں۔ لاہور آٹا چکی مالکان

ایسوسی ایشن نے ایک کلو چکی سے تیار کردہ آٹے کی قیمت78روپے مقرر کی ہے جس پر آج سے اطلاق ہو جائے گا۔دریں اثنا 80روپے سے 85 روپے فی کلو تک آٹا فروخت کرنے والے چکی مالکان کا موقف ہے کہ اوپن مارکیٹ میں ایک من گندم کی قیمت 2475روپے ہو گئی ہے اور اس صورتحال میں ہم 78روپے میں چکی سے تیار کردہ آٹا فروخت نہیں کر سکتے۔