کراچی(این این آئی) کورونا کیسز میں اضافہ، 3 روز میں اب تک 9 شادی ہالز اور 159 ریسٹورنٹس سیل کیے جا چکے ہیں۔کراچی میں کورونا وبا کے کیسز میں تیزی سے اضافے کے بعد شہری انتظامیہ کے آپریشن کا تیسرا روز مکمل ہو گیا جس کے تحت 3 روز میں اب تک 9 شادی ہالز اور 159 ریسٹورنٹس سیل کیے جا چکے ہیں۔شہر قائد میں کورونا وائرس ایس او پیز کی خلاف ورزی
پر شہری انتظامیہ کا آپریشن جاری ہے جس کے تحت شہر کے 6 اضلاع کے 225 شادی ہالز میں سے 26 کا معائنہ کیا گیا، جس میں سے 7 کو وارننگ اور 2 کو سیل کیا گیا ہے۔کراچی میں گزشتہ تین دنوں کے دوران ایس او پیز کی خلاف ورزی پر اب تک 159 ریسٹورٹنس سیل ہو چکے ہیں جب کہ 7 دکانوں، فیکٹریوں اور میڈیکل اسٹورز کو بھی سیل کر دیا گیا ہے۔
