لاہور( این این آئی)احتساب عدالت کے سابق جج ارشد ملک نے اپنی برطرفی پنجاب سب آڈینیٹ جوڈیشری سروس ٹربیونل میں چیلنج کر دی ۔درخواست میں لاہور ہائیکورٹ کی انتظامی کمیٹی کے فیصلے کو چیلنج کیا گیا ہے ۔ درخواست میں موقف اپنایا گیا کہ انتظامی کمیٹی نے حقائق کے برعکس رپورٹ تیار کی، مس کنڈکٹ کا مرتکب نہیں ہوا ،فیصلے پر نظر ثانی کی جائے۔سابق جج ارشد ملک کی
برطرفی کی سماعت کے لیے تین رکنی سروس ٹربیونل تشکیل دیدیا گیا ہے ۔لاہور ہائیکورٹ کے جسٹس محمد طارق عباسی ٹربیونل کے چیئرمین جبکہ جسٹس مسعود عابد نقوی اور جسٹس ساجد محمود سیٹھی ٹربیونل کے ممبران مقرر کئے گئے ہیں۔چیف جسٹس لاہور ہائیکورٹ قاسم خان کی منظوری کے بعد ماتحت عدلیہ کے ججز کی سروس اپیلوں پر سماعت کیلئے ٹربیونل کی تشکیل کا نوٹیفیکیشن جاری کیا گیا۔
