کراچی(این این آئی) شہر قائد میں کورونا کی دوسری لہر کے باعث ضلع وسطی کے 48 مقامات پر 2 ہفتوں کیلئے مائیکرواسمارٹ لاک ڈائون نافذ کردیا گیا اور ان مقامات پر ماسک کے استعمال کی پابندی لازمی قرار دی ہے۔تفصیلات کے مطابق کراچی میں ضلع وسطی کے 48 مقامات پر 2 ہفتوں کیلئے مائیکرواسمارٹ لاک ڈائون نافذ کردیا گیا ، جن میں نارتھ کراچی کے 4 اور

نارتھ ناظم آباد کے 21مقامات شامل ہیں۔ لیاقت آباد کے 9 اور گلبرگ کے 12 مقامات پر بھی عملدرآمد شروع کردیا گیا ہے، مائیکرو اسمارٹ لاک ڈائون کے مقامات پر ماسک کے استعمال کی پابندی لازمی قرار دی ہے۔مائیکرو اسمارٹ لاک ڈائون کے مقامات پر کاروبار بند رکھنے ، میڈیکل اسٹوراورضروری اشیاکی دکانیں مخصوص ٹائمنگ میں کھولنے کے احکامات جاری کئے ہیں۔مائیکرواسمارٹ لاک ڈائون کے مقامات پر ٹرانسپورٹ سروس بندش کے احکامات بھی دیئے گئے ہیں جبکہ ان مقامات پر گھر کا ایک فرد کو ضروری اشیاء کی خریداری کیلئے نکلنے کی اجازت ہوگی۔دوسری جانب کراچی میں کوروناسے متاثرمزیدعلاقوں میں مائیکرواسمارٹ لاک ڈائون لگانیکی تجویز دی گئی ہے،ضلع وسطی اورشرقی کے ڈسٹرکٹ ہیلتھ افسران نے متعلقہ ڈپٹی کمشنرزکوفہرست بھیج دی ہے۔دوسری جانب کراچی میں ایس او پیز کی خلاف ورزی پر 6شادی ہالز اور 103ریسٹورنٹس بند کردیئے گئے ہیں۔این سی او سی کی جانب سے کہا گیا ہے کہ شادی ہالز اور ریسٹورنٹس کو ایس او پیز کی خلاف ورزی پربند کیا گیاہے۔نیشنل کمانڈ اینڈ آپریشن سنٹر کے مطابق شادی ہال اور ریسٹورنٹس کے کورونا مرکز بننے کا خدشہ ہے، صحت عامہ کی حفاظت کیلئے قانون شکنوں کے خلاف کارروائی کریں۔یاد رہے کراچی میں کورونا وائرس کی دوسری لہر کے باعث سول لائنز، صدر اور عسکری تھری میں مائیکرواسمارٹ لاک ڈائون نافذ کردیا گیا ہے ، متاثرہ علاقوں میں غیرضروری نقل وحرکت پر پابندی ہے اور ماسک کے بغیر باہر نکلنے کی اجازت نہیں ہوگی۔ایس اوپیزکی خلاف ورزیوں پرضلعی انتظامیہ نے بہادرآباد،ملیر، کورنگی،نارتھ کراچی،نارتھ ناظم آباد،گلشن آقبال،گلزار ہجری جمشید کوارٹرز کے علاقوں میں کارروائی کی کرتے ہوئے6 شادی ہالز،103 ریسورنٹس اور10بیکریاں سیل کردیں جبکہ ڈیڑھ سوزائدریسورٹس کووراننگ جاری کی گئی ہے۔

موضوعات:پاکستان کے بڑے  میں کورونا کی دوسری لہر