لاہور(این این آئی) صوبہ پنجاب کے دارالحکومت لاہور کے اسکولوں میں کیے جانے والے کرونا وائرس ٹیسٹ کے نتائج سامنے آگئے، 70 ہزار بچوں میں سے 145 کرونا پازیٹو نکلے۔تفصیلات کے مطابق ترجمان پرائمری اینڈ سیکنڈری ہیلتھ کیئر پنجاب نے تعلیمی اداروں میں بچوں کے

کرونا وائرس ٹیسٹ کی رپورٹ جاری کردی۔ ترجمان کے مطابق 70 ہزار 750 طلبا کے کرونا ٹیسٹ کیے گئے۔ترجمان کا کہنا ہے کہ 70 ہزار سے زائد بچوں میں سے 145 بچوں کا نتیجہ مثبت آیا۔ترجمان کے مطابق سرکاری اسکولوں میں 63 ہزار 339 طلبا کے ٹیسٹ کیے گئے جبکہ نجی اسکولوں میں 7 ہزار 411 طلبا کے کرونا وائرس ٹیسٹ کیے گئے۔ترجمان نے مزید کہا کہ ایس او پیز کی خلاف ورزی پر 15 سے 28 ستمبر تک 9 تعلیمی اداروں کا ایک، ایک کلاس روم سیل کردیا گیا جبکہ 5 تعلیمی اداروں کے ایک سے زائد کلاس روم سیل کیے گئے۔ترجمان کا کہنا ہے کہ انتظامیہ، والدین اور طلبا احتیاط کا دامن ہاتھ سے نہ چھوڑیں۔